UPPGJÖR
Verk í tveimur þáttum fyrir leiksvið.
UPPGJÖR hefur verið leiklesið í Tjarnarbíói í Reykjavík 2011 og í Rigsteatern í Stokkhólmi 2012.
BRYNHILDUR OG KJARTAN
Sjónvarpið, RÚV, 2017.
Stuttmynd framleidd af Ásthildi Kjartansdóttur, byggð á (lengra) handriti eftir Jónínu Leósdóttur.
FARALDUR
Útvarpsleikhúsið, RÚV 2009.
Útvarpsleikrit um fjölskyldu sem er innilokuð vegna hættulegs heimsfaraldurs. Leikstjóri: Þórhildur Þorleifsdóttir.
HÉR ER KOMINN MAÐUR
Útvarpsleikhúsið, RÚV 2006.
Útvarpsleikrit um konu sem leitar til miðils vegna reimleika á heimili sínu.
KATA / GUÐMUNDUR
Sjónvarpið, RÚV, 2006
Stutt eintöl framleidd af Lárusi Ými Óskarssyni fyrir Sjónvarpið.
STUNDARBRJÁLÆÐI
Útvarpsleikhúsið, RÚV, 2002.
Útvarpsleikrit um uppgjör ungra hjóna á örlagaríkri stundu.
STÓRA STUNDIN
Sjónvarpið, RÚV, 2001.
Sjónvarpsleikrit um brúðkaupsdag ungra hjóna og þann skugga sem fylgir skilnaði foreldra brúðarinnar.
HERBERGI 101 – KODDAHJAL, ÞAÐ HEILAGA, HELGARFERÐ og FYRSTA NÓTTIN
Sjónvarpið, RÚV, 2000.
Fjögur sjónvarpsleikrit sem öll gerast í sama hótelherberginu, á ólíkum tímum, og fjalla um framhjáhald, brúðkaupsnótt ungra hjóna, vinkonuferð til Reykjavíkur og hommapar utan af landi. Leikstjóri: Ágúst Guðmundsson.
SÍMASTEFNUMÓT
Útvarpsleikhúsið, RÚV, 1998.
Útvarpsleikrit um unga konu og ungan mann sem kynnast eftir óhefðbundnum leiðum en reynast eiga talsvert sameiginlegt. Leikstjóri: Brynja Benediktsdóttir.
SÆLUSTUNDIR
Leikrit fyrir svið, 1997.
Handrit að sviðsverki sem hlaut 3. verðlaun í samkeppni vegna 100 ára afmælis Leikfélags Reykjavíkur.
LÓFALESTUR
Listaklúbbur Þjóðleikhússins, 1997.
Einþáttungur um spákonu sem frumfluttur var í Þjóðleikhússkjallaranum.
LEYNDARMÁL
Fjölbrautaskólinn Breiðholti, Framhaldsskóli Vestfjarða, Fjölbrautaskóli Suðurlands, 1997. Síðar sýnt af leikklúbbi unglinga á Akureyri.
Sviðsverk um unga stúlku sem er að vakna til meðvitundar um kynhneigð sína – og byrja að trúa sínum nánustu fyrir því hver hún er.
FRÁTEKIÐ BORÐ.
Höfundasmiðja LR, 1996. Síðar sýnt víða um land og í Færeyjum.
Einþáttungur um tvær konur utan af landi sem vísað er til sama borðs á veitingastað í Reykjavík? Hver skyldi hafa boðið þeim út að borða og hvers vegna? Leikstjóri fyrstu uppfærslu: Ásdís Skúladóttir.
AÐ VERA EÐA VERA EKKI
Sjálfsbjörg og Samb. ísl. sveitarfélaga, 1995.
Einþáttungur – handrit sem hlaut 2. verðlaun í leikþáttasamkeppni Sjálfsbjargar og Sambands íslenskra sveitarfélaga. Leiklesið á Akureyri.